Што страшнейшае?

Прафесар Артылерыйскай акадэміі імя Ф. Э. Дзяржынскага В. Рдултоўскі, найбуйнейшы спецыяліст па выбухальніках і дыстанцыйных трубках, не раз праяўляў выдатную мужнасць пры разборцы неразарваных снарадаў, вельмі баяўся высокага начальства. Аднойчы на палігоне пасля працы калегі спыталі яго:
— Уладзімір Іосіфавіч, чаму вы не баіцеся выбухальніка, які штосекундна пагражае вашаму жыццю, а перад начальствам робееце?
— А таму, — адказаў ён, — што калі я разбіраю выбухальнік, які не спрацаваў пры стрэле, то я ведаю, што ён можа са мной зрабіць, і ведаю, як з ім абыходзіцца, каб не здарылася бяды. Я сам усім кірую, і загубіць мяне можа толькі мая памылка. А начальства я баюся таму, што яно мной кіруе паводле ўласнага разумення, і я нават уявіць не магу, што яно ў дадзены момант мае намер са мной зрабіць...